Безнекеләр булдыра!

Анда республиканың төрле районнарыннан гына түгел, Русиянең төрле төбәкләреннән дә фольклор коллективлары катнашты. Быел фестиваль-конкурс Русиядә игълан ителгән Гаилә елы кысаларында узды һәм гаиләнең ролен күтәрүгә, яшь буынны халык традицияләре нигезендә тәрбияләүгә һәм гаиләләрдә буыннар алмашынуын көчәйтүгә юнәлдерелгән иде. Сәхнәдә 17 фольклор коллективы чыгыш ясады. Чарада шулай ук «Үз кулларым белән матурлык тудырам» конкурсына йомгак ясалды, анда Митро-Әюп авыл мәдәният йорты мөдире Резеда Нигъманова lll урынын алды һәм Диплом белән бүләкләнде. Котлыйбыз!