Балаларга юл хәвефсезлеге турында

 Чара барышында балалар беренче светофорның кайчан барлыкка килүен, аларның нинди төрләре булуы турында белделәр, аның төсләренең нәрсә аңлатканын искә төшерделәр. Андрей Усачевның «Юл хәрәкәте кагыйдәләре» китабы ярдәмендә чарада катнашучылар юлда йөрү кагыйдәләрен, пассажирлар һәм велосипедчылар өчен кагыйдәләрне кызыксынып тикшерделәр, юл билгеләрен карадылар. Балалар юл аша ничек дөрес чыгарга, «яткан полицейский» нәрсә икәнен һәм ни өчен аны шулай атауларын белделәр. Шулай ук алар транспорт, юл хәрәкәте турындагы табышмакларны актив чиштеләр, шәһәр урамнары аша ничек чыгарга һәм бу җәһәттән светофорның ничек ярдәм итүе турында сөйләделәр. Кызлар һәм малайлар өчен «Светофорик белән сәяхәт», «Светофор киңәшләр бирә» һәм башка танып-белү уеннары да әзерләнгән иде.