Республикабызда мөһим сәяси вакыйга алдыннан

Китапханәче Гөлназ Бикташева китап укучыларга сайлауларның нәрсә икәнлеге һәм аларның ничек оештырылуы турында сөйләде, сайлауларның гражданнарның тавыш бирү юлы белән илебез җитәкчеләрен билгеләү ысулы булуын аңлатты, әлеге мөһим чарага бәйле төп төшенчәләр: сайлау исемлеге, сайлау участогы һәм комиссиясе белән таныштырды. Чарада катнашучылар шулай ук «Сайлау хокукы» танып-белү викторинасында катнашып, белемнәрен ныгыттылар. Китап сөючеләр игътибарына әлеге тема буенча әдәбият һәм вакытлы матбугат җыелмасы тәкъдим ителде.