Яңа уку елы алдыннан баскетболчы кызларга шәп бүләк!

 Реканс Фәнил улы районыбыз данын лаеклы яклаучы спортчыларыбызның үтенечен игътибарсыз калдырмады. Аларга профессиональ баскетбол стойкасы сатып алынды һәм ул Балалар һәм яшүсмерләр мәктәбендә урнаштырылды. Шушы көннәрдә баскетболчы кызларыбыз Бөре командасы белән иптәшләрчә матчта щитларны сынап карарга да өлгерде. Алар заманча спорт инвентарына бик куандылар һәм алга таба да тырышып күнегүләр ясарга вәгъдә иттеләр. Тренер Илсөяр Өлфәт кызы Басыйрова һәм аның тәрбияләнүчеләренә киләсе сезонда да уңышлар, яңа җиңүләр теләп калабыз.