Районда туристик слет үтте

 Аны Балалар иҗат үзәге оештырды. Чын турист барысын да белергә тиеш, теләсә нинди катлаулы хәлләрдә дә хәл итә белергә тиеш. Балаларны слетлар һәм туризм буенча ярышлар нәкъ менә шуңа өйрәтә. Һәр мәктәп командасы үз палаткалы лагерен җиһазлап, ориентлашу, туган якны өйрәнүдә белемнәрен күрсәтте, каршылыклар полосасын үтте һәм рәхәтләнеп табигать кочагында ял итте. Конкурслар программасы бик бай булды. Укучылар спорт, кулинария һәм туристик ярышларда көч сынашты.