Яугирләр белән җылы әңгәмә

Яугирләр студентлар белән махсус хәрби операция территориясендә хезмәт итү, Русия хәрбиләренең батырлыклары турында сөйләштеләр. Шулай ук сүз армиядә сафларында хезмәт итүнең мөһимлеге, Ватанны ярату, хезмәт бурычын үтәү турында барды. Яшүсмерләр кунакларны зур кызыксыну белән тыңладылар, җитди сораулар бирделәр. Әңгәмәдә тылдан килгән солдатларыбызга ярдәм итү темасы да кузгатылды. Алар райондашларыбызның җылы хатлары һәм туган яктан килгән посылкалары хәрбиләрнең күңелен җылытуын, аларга рухи көч бирүен, бу – бик мөһим һәм кирәкле эш булуын билгеләп үттеләр.