Булачак патриотлар һәм актив гражданиннар тәрбиялибез

 

  Мәктәпкәчә белем бирү  федераль дәүләт белем бирү стандарты рухи-әхлакый мөнәсәбәт һәм мәдәни мирас белән бәйле булу хисләре формалаштыруга, үз милләтеңне хөрмәт итүгә, үз милли үзенчәлекләреңне аңлауга, төрле милләт кешеләренә карата түземле, толерантлы мөнәсәбәт формалаштыруга, безнең барыбызның да бер илдә яшәвебезне һәм русиялеләр булуыбызны аңлауга юнәлдерелгән. Безнең балалар бакчасына төрле милләт вәкилләре балалары йөри һәм без аларның бер-берсенә түземле мөнәсәбәттә булуларын, башка халыкларның гореф-гадәтләренә һәм нигезләренә хөрмәт тәрбияләүләрен телибез һәм иң мөһиме – игътибар итәбез. Без барыбыз да төрле милләт вәкилләре булсак та, барыбыз да Русиядә яшибез һәм без барыбыз да – русиялеләр.

Эшчәнлегебездә без бәйрәмнәрнең еллык циклына таянабыз. Мәсәлән, күптән түгел генә без Милли костюм көнен  билгеләп үттек, Халыклар бердәмлеге көненә, Туган тел көненә әзерләнәбез. Традиция буенча бу чараларны хезмәткәрләр һәм балалар милли костюмнар киеп каршылый. Педагоглар төрле халыкларның костюмнары барлыкка килү тарихы, аларның үзенчәлекләре, гореф-гадәтләре, бәйрәмнәре, аш-сулары, күпмилләтле Ватаныбызда яшәүче халыкларның мәдәнияте һәм башкалар турында сөйлиләр. Русия һәм республика көннәрен үткәрү мөһим вакыйга булып тора. Чараларда балалар безнең тарихи үткәнебез турында күп кызыклы нәрсәләр беләләр, дәүләт символлары, ата-бабаларыбызның батырлыклары, илебездә яшәүче халыклар турында белемнәрен ныгыталар, гореф-гадәтләр   белән танышалар.

Патриотик тәрбия почмакларында бирелгән материаллар ярдәмендә яшь буында тарихка, гореф-гадәтләргә, кешеләрнең хезмәт һәм гражданлык батырлыкларына карата кызыксыну һәм хөрмәт үсә. Нәниләрне тәрбияләү бурычларын гаилә белән уртак тырышлык белән генә хәл итеп була. Балаларыбызның әти-әниләре төрле бәйрәмнәр, конкурслар, акцияләр, олимпиадалар һәм телләр буенча диктантлар оештыруда һәм үткәрүдә актив катнашалар. Шулай ук бу җәһәттән Чакмагыш балалар модельле китапханәсе, «Игенче» газетасы редакциясе, район телевидениесе, район мәдәният йорты, мәктәпләр, Балалар сәнгать мәктәбе, Балалар иҗат  үзәге һәм туган якны өйрәнү музее белән хезмәттәшлек тә ярдәм итә.

Шулай итеп, мәктәпкәчә яшьтәге балаларга рухи-әхлакый тәрбия бирү аларга туган илгә, аның тарихына һәм мәдәниятенә катнашлыгы барлыгын аңларга һәм тоярга ярдәм итә, бу исә булачак патриот һәм актив гражданин тәрбияләү өчен нигез булып тора.