Гимназистлар «Иң яхшы медиа мәктәп» номинациясендә IIнче урын яулады!

 Республика конкурсы Башкортстан Республикасы Мәгарифне үстерү институтының мәгарифне санлы трансформацияләү үзәге тарафыннан оештырылды һәм үткәрелде. Конкурста башлангыч гомуми, төп гомуми һәм урта гомуми белем бирү программаларын гамәлгә ашыручы 117 мәгариф оешмасы катнашты. Гимназия җитәкчелеге укучылары белән санлы киңлектә белем бирүнең яңа формаларын һәм методларын эзләүләре белән горурлана. Аларның һәркайсы иҗади якын килү генә түгел, ә командада эшли белү сәләтен дә күрсәтте, бу исә зур уңышларга ирешергә мөмкинлек бирде. Гимназия укучылары истә калырлык видеоролик әзерләделәр. Ул аларның белемнәрен генә түгел, ә заманча техниканы куллану сәләтен дә күрсәтте.
Балаларны уңышларга илһамландыручы педагог ярдәме белән бүген гимназия заман белән бергә атлаучы мәктәп булуын горурланып әйтә ала. «Без проектыбыз өстендә эшли башлагач мондый уңышка ирешә алырбыз дип уйламаган да идек! Команда белән бергә без күп көч салдык һәм уникаль нәрсә уйлап таптык. Бу мавыктыргыч һәм гыйбрәтле булды. Без гимназиядә укуыбыз белән горурланабыз, анда безгә үсәргә һәм заманча технологияләрне кулланырга яхшы мөмкинлек бирелә. Киләчәктә без тагын да кызыклы идеяләрне тормышка ашыра алырбыз дип ышанабыз», – ди әлеге конкурста җиңүче укучылар, үз тәэссоратлары белән уртаклашып.
Бу уңыш медиаүзәкнең алга таба үсешенә һәм гимназиянең Башкортстан Республикасының мәгариф киңлегендә позицияләрен ныгытуга этәргеч булып тора. Санлы белем бирү өлкәсендәге казанышлар укучыларга киләчәктә конкурентлыкка сәләтле һәм кирәкле белгечләр булырга ярдәм итәр, дип ышанабыз.