Тантаналы ант иттеләр

Тантанада Башкортстан Республикасы Хөкүмәте премьер-министры вазыйфасын башкаручы И.Х.Сәгыйтов, республиканың Эчке эшләр министры А.А.Прядко, аның кадрлар буенча урынбасары А.Ф.Зөбәеров, Башкортстан Республикасы мәгариф һәм фән министрының беренче урынбасары С.В.Антипина, төбәкнең Яшьләр сәясәте буенча дәүләт комитеты рәисе В.Ф.Сабиров укучыларны сәламләделәр һәм фәһемле теләкләр җиткерделәр.
Полиция сыйныфларында белем алу укучыларга эчке эшләр органнары хезмәтенең катлаулыгын һәм күпкырлы булуын яхшырак аңларга булышлык итә, җаваплылык хисе тәрбияли. Мәктәп директоры Рәзимә Исмәгыйль кызы малайларны һәм кызларны шушы тантаналы көн белән тәбрикләп: “Бу укучыларыбызга укуларында уңышлар телибез һәм аларның Ватаныбызның чын патриотлары булып үсүләренә ныклы ышанабыз”, – ди.