Районда мәктәп автобусларының төзеклеген тикшерделәр

Балаларны имин йөртүне тәэмин итү – дәүләт автоинспекциясе алдында торган өстенлекле бурычларның берсе. Шушы көннәрдә Чакмагыш районының ЮХИДИ хезмәткәрләре мәктәп маршрутлары буенча йөрүче автобусларга контроль тикшерү үткәрде.
Руль идарәсенең һәм тормозларның, фараларның, габарит утларының һәм башка тышкы яктылык приборларының, тахографларның, ишекләр ачык вакытта хәрәкәт блокираторларының, актив һәм пассив хәвефсезлек системаларының төзеклеген карадылар.
Техник караудан һәм барлык документларны тикшергәннән соң, мәктәп автобусларын йөртүчеләр белән инструктаж үткәрделәр, укучыларны йөртү буенча киңәшләр бирделәр, чираттагы тапкыр аларның эшчәнлек үзенчәлекләрен исәпкә алып, юлда хәвефсез хәрәкәт итүнең иң мөһим кагыйдәләре турында искә төшерделәр.
Моннан тыш водительләргә мошенниклар тозагына эләгүдән сак булырга чакырып, белешмәләр тараттылар.