Балалар иҗат үзәгендә хор һәм вокал буенча бәйге үтте

Анда районыбызның 8 белем бирү учреждениесе вәкилләре катнашты. Конкурсны  оештыручылар – Башкортстан Республикасы Мәгариф һәм фән министрлыгы, Башкортстан Республикасы Мәдәният министрлыгы, Республика укучы яшьләр мәдәният үзәге өстәмә белем бирү дәүләт бюджет учреждениесе. 

Ул  укучыларның хор хәрәкәтен, вокаль-хор башкару мәдәниятен үстерү, илебезнең җырлы музыкаль мирасын саклау, укучыларны үзебезнең һәм чит ил музыкаль-җыр мәдәнияте кыйммәтләренә тарту, балалар һәм яшүсмерләрнең иҗади сәләтләрен һәм талантларын үстерү, музыка сәнгате өлкәсендә иң яхшы традицияләрне һәм  казанышларны саклау һәм тапшыру формасы буларак вокаль-хор мәдәниятенә хөрмәт тәрбияләү максатларында үткәрелде.

  Әлеге бәйгенең  нәтиҗәләре  21 ноябрьдә билгеле булачак. Муниципаль этапта җиңүчеләр конкурсның республика этабында катнашачак.