Үлемгә алып баручы юл

 Ул укучыларга наркотиклар һәм спайсларның кеше организмына тәэсире, һәлакәтле ымсындыруларга бирешмәскә, «ял итәргә» тәкъдим итүче «яхшы ниятлеләргә» каршы торырга өйрәнергә кирәклеге турында сөйләде, зарарлы гадәтләрнең хәвефле булуын, чөнки аларның кешенең сәламәтлеген генә түгел, ә әхлагын да җимерүен аңлатты. Шуңа күрә алар белән көрәшергә кирәк, ләкин кисәтү тагын да яхшырак. Аеруча игътибарны наркотикны беренче тапкыр кулланып карауның куркынычлылыгына юнәлттеләр һәм беренче омтылыш наркотик тозагына турыдан-туры эләгү булырга мөмкин икәнлеген ныклы аңлау формалаштырдылар.
Балалар сәламәтлекне саклап калуның бердәнбер дөрес юлы – спорт белән шөгыльләнү, шәхси гигиена кагыйдәләрен үтәү һәм барлык начар гадәтләргә «ЮК!» дип әйтү, дигән нәтиҗә ясадылар. Акция азагында укучыларга балигъ булмаганнарның наркотиклы һәм психотроплы матдәләр кулланган өчен җаваплылыгы турында белешмәләр таратылды, шулай ук аларны профилактикалау чаралары һәм наркомания проблемасын хәл итүгә мөмкин булган алымнар белән таныштырдылар. Тәмәке тарту, алкоголь, наркотиклар – ул кеше шәхесен җимерүгә һәм хәтта үлемгә алып баручы юл. Шуңа күрә һәр балада кешелеклелек, яхшылык, үз сәламәтлегеңә сакчыл мөнәсәбәт тәрбияләү, сәламәт яшәү рәвешен пропагандалау мөһим.