Әниләргә багышлап

 Әниләребезгә күпме генә ягымлы сүзләр әйтсәк тә, моның өчен күпме генә сәбәпләр уйлап тапсак та, алар артык булмас сыман, чөнки "Әни” – тәүге сүз, һәр язмышта төп сүз. Ә бәйрәм – әнигә үз мәхәббәтеңне һәм тирән рәхмәтеңне белдерү өчен менә дигән сәбәп. Чарада җыелган әниләргә бу көнне иң изге теләкләр, назлы сүзләр, аларны данлаучы күңелгә үтеп керерлек шигырьләр яңгырады. Шаярту-күңел ачу программасы барышында «Әкиятне бел», «Мәкальне әйтеп бетер», “Әнигә хас сыйфатларны беләсезме?” конкурслары оештырылды.