Укучыларга һөнәри юнәлеш бирү — уңышлы киләчәкнең нигезе

Кичә район үзәк китапханәсендә тематик һөнәри юнәлеш бирү сәгате оештырылды. Анда Башкортстан аграр-технология колледжының райондагы филиалы, район үзәге мәктәпләре укучылары катнашты. Район үзәк дәваханәсе һәм гадәттән тыш хәлләр министрлыгы идарәсенең урындагы хезмәткәрләре үзләренең һөнәр үзенчәлекләре белән таныштырды, җиһазларын күрсәтте. Укучыларда алган белемнәрен практикада да сынап карау мөмкинлеге булды.