Мөһим мәсьәләләрне хәл итү өчен

 Анда хакимият башлыгының икътисад һәм финанслар буенча беренче урынбасары – финанс идарәлеге җитәкчесе Дамир Фәнил улы Низамов, Чакмагыш районы бизнес-шерифы Рима Рим кызы Рәхимова, Русия Федераль салым хезмәтенең Башкортстан Республикасы буенча 1 нче районара инспекциясенең салым түләүчеләр белән эшләү бүлеге башлыгы урынбасары Фәйрүзә Өлфәт кызы Кәримова, шушы ук хезмәт вәкиле Ирина Рәис кызы Садыйкова, Туймазы, Бакалы, Чакмагыш, Шаран районнарында кулланучылар хокукларын яклау һәм кешеләр иминлеге өлкәсендә күзәтчелек буенча федераль хезмәтнең БР буенча идарәсенең территориаль бүлеге җитәкчесе урынбасары Римма Галимҗан кызы Әхмәдишина, Чакмагыш авылы «Минем бизнесым» үзәге җитәкчесе Гөлшат Ренат кызы Хәмидуллина, шәхси эшкуарлар, җаваплылылыгы чикләнгән җәмгыятьләр җитәкчеләре, үзмәшгульләр, сәүдә, җитештерү, хезмәт күрсәтү белән шөгыльләнүчеләр, бухгалтерлар катнашты.
Көн тәртибенә салым законнарындагы үзгәрешләр, азык-төлек продуктлары белән сәүдә иткәндә санитария нормалары таләпләре һәм бизнес алып баруның башка аспектлары чыгарылды. Киңәшмәнең төп мәсьәләләренең берсе 2025 елның 1 гыйнварыннан үз көченә керәчәк салым законнарындагы үзгәрешләр турында фикер алышу булды. Катнашучылар кече һәм урта эшкуарлык субъектларына кагылышлы салым салуның яңа кагыйдәләре турында аңлатмалар алдылар. Бу эшкуарларга булачак үзгәрешләргә яхшырак әзерләнергә һәм яңа шартларга җайлашырга ярдәм итәчәк.
Чара барышында капларга салынган яки төрелгән продукцияне сәүдәдә, җәмәгать туклануы объектларында сатканда үтәлергә тиешле санитария нормаларына аерым игътибар бирелде. Анда катнашучылар хәвефсезлекне тәэмин итү өчен аеруча мөһим закон таләпләре нигезендә сәүдәне ничек оештыру турында төгәл күрсәтмәләр алдылар. Киңәшмәдә шулай ук җирле товар җитештерүчеләр эшчәнлеге мәсьәләләре каралды, дәүләт ярдәме мөмкинлекләре турында фикер алыштылар, бу аларга базарда конкурентлык сәләтен яхшыртырга ярдәм итәчәк.
Чакмагыш авылындагы “Минем бизнесым” үзәге җитәкчесе Гөлшат Ренат кызы Хәмидуллина эшкуарлык эшчәнлегенә ярдәм итүнең актуаль чаралары турында мәгълумат җиткерде. Бу кече предприятиеләрне үстерү һәм үсәргә ярдәм итә алырлык төрле финанс һәм консультация хезмәтләрен үз эченә ала. Киңәшмә дәүләт органнары белән кече һәм урта эшкуарлык субъектлары арасында мәгълүмат алмашу өчен мөһим платформага әверелде. Һәммәсе дә законнардагы үзгәрешләрне яхшырак белергә һәм санитария нормаларын үтәргә ярдәм итәчәк кыйммәтле тәкъдимнәр һәм аңлатмалар, файдалы киңәшләр алдылар. Мондый чаралар эшкуарлар мохитен үстерүдә һәм бизнесменнар арасында белем дәрәҗәсен арттыруда зур әһәмияткә ия.