14 декабрь – Башкорт теле көне

Башкорт теле көнен 14 декабрьдә билгеләү очраклы түгел. Бу көндә күренекле башкорт шагыйре, мәгърифәтче Мифтахетдин Акмулла туган. Бу көн, 2015 елдан башлап, бөтендөнья башкортлары корылтае Башкарма комитеты ярдәмендә Башкортстан халыклары ассамблеясе һәм Башкортстан Республикасының Мәгариф һәм фән министрлыгы сайты башлангычы белән билгеләнә, рәсми рәвештә 2019 елдан үткәрелә.
Бу көнне Башкортстанда һәм аннан читтә төрле чаралар: онлайн һәм оффлайн форматларда башкорт телен һәм башкорт халкының мәдәни кыйммәтләрен саклауга юнәлтелгән интернет-флешмоб, викториналар, лекцияләр, ачык дәреслекләр үткәрелә, елга йомгак ясала, алдан уздырылган конкурсларның җиңүчеләре бүләкләнә, киләсе елга грантлар игълан ителә. Чараларда республиканың барлык мәдәният һәм белем бирү учреждениеләре катнаша.
Районыбызның башкорт теле һәм әдәбияте укытучылары да төрле чараларда катнашып, лаеклы урыннар яулый. Күптән түгел Уфада "Изгелек телим" төбәк конкурсына йомгак ясадылар. Әлеге бәйгедә Чакмагыш беренче урта мәктәбенең башкорт теле һәм әдәбияты укытучысы Рәмзия Равил кызы Исламгалиева һәм 11 сыйныф укучысы Азалина Хәбирова катнашты.
Киеренке ярышта Рәмзия Равил кызы "Сәнгатьле итеп шигырь укучылар" номинациясендә I дәрәҗә диплом белән бүләкләнде һәм "Тамашачылар сөюе призы" номинациясендә җиңү яулады. Азалина Хәбирова мәктәп укучылары арасында "Сәнгатьле уку" номинациясендә I дәрәҗә диплом белән бүләкләнде һәм шулай ук "Тамашачылар сөюе призы"номинациясендә II урынны алды.