Мәктәпләрнең иң уңышлы яшь җитәкчеләре грант алачак

Педагоглар һәм тәрбиячеләр күп кенә ярдәм чаралары ала башлады. Быел балалар бакчаларының иң яхшы педагогларына 575 мең сум күләмендә 75 грант расланган. Киләсе елдан мәктәпләрнең иң уңышлы яшь җитәкчеләре (45 яшькә кадәр) 690 по мең сумлык 50 грант алачак. Ел саен меңнән дә ким булмаган укытучы 56 мең сум күләмендә шифаханә-курорт хезмәтләренә сертификатлар алачак.
Радий Хәбиров билгеләп үткәнчә, бу хакта даими рәвештә педагоглар үзләре сорый. Капиталь ремонт буенча федераль программа кысаларында 146 мәктәп бинасы ремонтланган. Балалар бакчаларын һәм көллиятләрне ремонтлау буенча тагын бер федераль программага 16 мәктәпкәчә учреждение һәм 7 көллият кертелгән. Моннан тыш, 215 спорт залы, 25 ачык спорт мәйданчыгы яңартылган. Биш ел эчендә республикада 44 яңа мәктәп һәм 31 мең урынга исәпләнгән 65 балалар бакчасы төзелгән.