Күңелле чара гаилә командаларын берләштерде

Әлеге чараның максаты – сәламәт яшәү рәвешен пропагандалау, балаларның сәламәтлеген ныгыту, аларны даими рәвештә спорт белән шөгыльләнүгә җәлеп итү. Барлык әти-әниләр дә сәламәт яшәү рәвеше алып барырга бурычлы, чөнки алардан балалары үрнәк ала. Гаилә ярышларында катнашкан өлкәннәр дә җитезлек, дәрт, җиңүгә омтылуда уллары һәм кызларыннан бер дә калышмады. Яңа ел гаилә уеннары бер сулышта узды. Һәр яңа конкурс белән хәл кискенләште, әмма ахырда барысы да бертавыштан шундый фикергә килде – үзара ярдәмләшү һәм гаиләдәге татулык җиңә.