Ял көннәре файдалы үтте

Көндезге сәгатьләрдә сәламәт тормыш рәвешен үз итүче якташларыбыз Гаилә ялы паркына җыелып, Чакмагыш урамнарыннан скандинавча йөреш белән үттеләр. Бу төр йөреш илебезгә чагыштырмача күптән түгел генә "килсә" дә, ул тиз арада актив ял яратучы ватандашларыбыз арасында танылу яулады. Аның популярлыгы шунда — скандинав йөреше белән һәркем шөгыльләнә һәм аның методикасын һәркем үзләштерә ала һәм медицина күрсәтмәләре буенча да һәркемгә дә файдалы. Райондашларыбыз моны яхшы аңлый һәм бу файдалы шөгыльне үз итә.