Чаңгы шуу - сәламәтлек чарасы

Чаңгыда шуу, саф һавада йөрү һәр кешенең сәламәтлегенә уңай тәэсир итә. Яңа ел ялларында район халкы өчен бик бай мәдәни, спорт чаралары үткәрү актив дәвам итә. Бүген "Карагай" чаңгы базасында "Алга, сәламәтлеккә!" дип исемләнгән чаңгы узышлары үтте. Кышның матурлыгына сокланып, саф һавада рәхәтләнеп чаңгы шууга ни җитә?! Анда олысы-кечесе бик теләп катнашты. Кыскасы, чакмагышлылар каникулда файдалы итеп ял иттеләр. Чаңгы базасына килүчеләр табигать кочагында – саф һавада рәхәтләнеп чаңгы шудылар. Ә иң-иңнәр, җитезләр медальләр, грамоталар белән бүләкләнде.