Ватаныбыз тынычлыгын саклаучылар хөрмәтенә

Чарада муниципаль район хакимияте башлыгы Реканс Фәнил улы Ямалеев, аның социаль мәсьәләләр буенча урынбасары Светлана Фларис кызы Шакирова, район хәрби комиссары Альберт Хәниф улы Хәбиров, район ветеранннар советы рәисе Идгар Габдрахман улы Еникеев, ветераннар һәм яшьармиячеләр катнашты. Тантанага килүчеләр хәрби антларына тугры калып, ил азатлыгы өчен гомерләре белән түләгән якташларыбыз истәлеген бер минутка тынлык белән хөрмәтләде һәм Бөек Ватан сугышында катнашкан райондашлар истәлегенә куелган һәйкәлгә чәчәкләр салды.