Нурияне уңышлары белән котлыйбыз!

Чакмагыш гимназиясенең 5Б сыйныфында белем алучы талантлы укучы Нурия Шәймөхәммәтова әлеге конкурста катнашып, матур уңышлар яулады. Ул чыгышлар йомгаклары буенча "Нәфис сүз" номинациясендә II дәрәҗә (җитәкчесе Миләүшә Рәшит кызы Кашапова) һәм "Декоратив-гамәли сәнгать" номинациясендә I дәрәҗә лауреат булды (җитәкчесе Зөһрә Рамил кызы Мәгалимова). Җитәкчеләр лауреатны әзерләгәннәре өчен Рәхмәт хатлары белән бүләкләнделәр.
Нурия һәм аның җитәкчеләренә киләчәктә дә зур иҗади уңышлар һәм җиңүләр телибез!