Шомырт үсентеләре утыртылды

Бүген, 19 апрельдә, район предприятие-оешмалары, мәктәп коллективлары иртәнге яктан ук район территориясен тузаннан чистарту һәм яшелләндерү эшләренә кереште. Хакимият һәм муниципаль учреждениеләрнең бердәм командасы үзләренә беркетелгән якын-тирәдәге урамнарда тәртип урнаштырды. Бу көнне "Экология" гомумдәүләт проектының “Яшел Башкортсотан” акциясен гамәлгә ашыру кысаларында районыбыз агач утырту буенча республика акциясенә кушылды. “Чараның максаты – районны матур, ә әйләнә-тирә мохитне экологик яктан имин итү”, – ди муниципаль район хакимияте башлыгы Реканс Фәнил улы Ямалеев. Акциядә муниципаль район хакимияте вәкилләре, район-предприятие җитәкчеләре, мәктәп коллективлары катнашты. Бердәм көч белән районыбызның үзәк урамына 30 якын “Шуберт” шомырты агачлары утыртылды.