Гимназиядә иң яхшы хезмәт шартлары булдырылган

Форум эшчәнлегендә Башкортстан Республикасы Хөкүмәте Премьер-министры урынбасары – Башкортстан Республикасы спорт министры Руслан Хәбибов, Русиянең бәйсез профсоюзлары берләшмәсе аппаратының хезмәтне саклау һәм экология департаменты җитәкчесе – Русиянең бәйсез профсоюзлары берләшмәсенең баш техник хезмәт инспекторы Алексей Безюков, БР Гаилә, хезмәт һәм халыкны социаль яклау министры Ленара Иванова, БР Дәүләт хезмәт инспекциясе җитәкчесе - БР баш дәүләт хезмәт инспекторы Татьяна Астрелина һәм башкалар катнашты.
Чара кысаларында «БР Профсоюзлар федерациясенең хезмәтне саклау буенча иң яхшы вәкаләтлесе», «Хезмәтне саклау буенча иң яхшы белгеч – 2025», «Хезмәт шартларын һәм хезмәтне саклауны иң яхшы оештыру» республика конкурсларында җиңүчеләрне һәм призерларны бүләкләү тантанасы узды.
Чакмагыш гимназиясе коллективы Башкортстан Республикасы икътисадый эшчәнлегенең төп төрләре оешмалары арасындагы конкурста төп һәм урта гомуми белем бирү оешмалары арасында «Хезмәт шартларын һәм саклауны иң яхшы оештыру» номинациясендә 1 урынга лаек булды һәм Диплом белән бүләкләнде.
Гимназия хакимияте хезмәтне саклау буенча белгеч Алия Рәсүл кызы Сәмигуллинага нәтиҗәле хезмәте өчен зур рәхмәт белдерә.