+24 °С
Яңгыр
Новости
7 Май 2025, 06:30
Ил агаларына олы ихтирам белән
Бөек Җиңүнең 80 еллыгы алдынан, күптәнге традиция буенча, муниципаль район хакимияте башлыгы Реканс Фәнил улы Ямалеев һәм Башкортостан Республикасы Дәүләт Җыелышы – Корылтай депутатлары Вадим Васильевич Соколов, Альберт Рәүф улы Локманов, бер үк вакытта “Бердәм Русия” сәяси партиясенең төбәк бүлекчәсе секретаре урынбасары да булган Руслан Фәнәвис улы Насретдинов, муниципаль район Советы рәисе Ләйсән Раул кызы Мостафина районыбызда игелекле гомер кичерүче хөрмәтле ил агалары – Бөек Ватан сугышы һәм хезмәт ветераннары Нәҗип Назыйфулла улы Әҗмәтов, Рифгать Фаяз улы Баянов, Мират Хәнәфи улы Локмановны йортларына барып тәбрикләделәр.
Ил агаларына олы ихтирам белән
Алар яшәгән һәр авылда бу вакыйга олы бәйрәм төсен алды: хөрмәтле ветераннарның йорт ихаталарында урындагы мәдәният һәм мәгариф хезмәткәрләре, яшь армиячеләр, мәктәпләр укучылары, волонтерлар чагу концерт номерлары бүләк итте, безнең якты киләчәгебезне яулауга өлеш керткән ил агаларына хөрмәт-ихтирам хисләрен йөрәкләргә үтеп керерлек итеп җиткерде.
Һәр өч ветеранның да күкрәкләрен “Башкортстан Республикасы Чакмагыш районы алдындагы казанышлары өчен” билгеләре бизәде, шулай ук аларның һәркайсына олы кунаклар да, урыннардагы биләмә башлыклары, мәгариф һәм мәдәният учреждениеләре җитәкчеләре дә ихлас теләкләр белән бүләкләр тапшырды, алда да очрашып-аралашып торырга вәгъдә бирделәр.
Бу турыда тулырак мәгълүматны “Игенче” гәзитенең чираттагы санында укыгыз.
Ил агаларына олы ихтирам белән
