Авылдашлары турындагы хәтерне мәңгеләштереп

9 май көнендә күркәм табигать кочагында урнашкан кечкенә Макаровка авылы халкы өчен дулкынландыргыч шундый тарихи вакыйга булды. Авылдашларның күмәк тырышлыгы һәм көче белән күтәрелгән күркәм, заманча мемориалны ачу тантанасында алар шатлыгын муниципаль район хакимияте башлыгы Реканс Фәнил улы Ямалеев һәм "Базы" авыл хуҗалыгы предприятиесе" җәмгыяте генераль директоры, Башкортстан Республикасы Дәүләт Җыелышы — Корылтай депутаты Вадим Васильевич Соколов, авыл биләмәсе хакимияте башлыгы Илсөяр Фәүкать кызы Гарифуллина уртаклашты. Бәйрәм тантанасын Юмаш мәдәният йорты хезмәткәрләре, урта мәктәбе укучылары һәм Макаровка авылы сәнгатькәрләренең җырлы-биюле чыгышлары бизәде. (Бу хакта тулырак "Игенче" гәзитенең алдагы санында укырга була.)