Чакмагышта ишегалды уеннары дәвам итә

Тынычлык һәм Коммунистик урамнары арасында узган бу чарада кызлар һәм малайлар төрле хәрәкәтчән уеннарда катнашты, рәхәтләнеп күңел ачты.
Проектның максаты – иске традицияләрне тергезү. Әлеге чара яшь буында аралашу, эрудиция күнекмәләрен формалаштыра. Уртак уеннарда балалар моторикалы хәрәкәт күнекмәләрен, игътибарлылыкны, җитезлекне, зирәклекне, бер-берең белән килешү, хезмәттәшлек итә белүне үстерәләр. Ишегалды уеннары – күңел ачу гына түгел, өйрәтү күнекмәләре дә булып тора. Бу уеннарда балалар аралашырга, команда төзи белергә һәм анда уйнарга өйрәнәләр. Мондый күңелле чаралар җанлы аралашуга ярдәм итә, командада эшләргә өйрәтә һәм яңа дуслар табарга ярдәм итә.