Өлкәннәребезне яратып һәм зурлап

Чакмагыш гимназиясенең 3А сыйныфы укучылары, аларның нәнәй-картәтиләре бу көнне китапханәнең кунаклары булдылар. Чарада кадерле һәм хөрмәтле кешеләргә күп матур котлаулар һәм җылы теләкләр яңгырады. Анда катнашучылар кызыклы бәйгеләрдә, уеннарда һәм викториналарда актив катнашып, сәләтләрен күрсәттеләр. Оныклары башкаруында җырлар, биюләр, шигырьләр һәм үз куллары белән ясалган эшләнмәләре хөрмәтле өлкәннәргә аеруча зур бүләк булды. Очрашу җылы бәйрәм мохитендә узды. Бәйрәм кичәсе һәммәсенә дә аралашу шатлыгы, күтәренке кәеф һәм шатлык-куанычлар бүләк итте.