«Балачакның имин юлы» район конкурсы узды

Чара районның төрле мәктәпләреннән талантлы, яшь юл хәрәкәте инспекторлары командаларны җыйды. Конкурс берничә этаптан торды, алар барышында командалар үзләренең иҗади сәләтләрен һәм юл хәрәкәте иминлеге өлкәсендәге белемнәрен күрсәттеләр. Нәтиҗәләр буенча, Чакмагыш беренче урта мәктәбенең КВН командасы үзен иң яхшы итеп күрсәтте һәм гомуми зачетта беренче урынны яулады. Икенче урынны Тозлыкуш урта мәктәбе шаяннары алды. Өченче урынга гимназиянең КВН командасы чыкты. Моннан тыш Чакмагыш беренче урта мәктәбе командасы «Иң креатив команда»номинациясендә беренче урынны алды. Бу аларның коңкурска иҗади карашларын һәм оригиналь идеяләрен лаеклы тану булды. Катнашучылар конкурсны оештыручыларга үзләрен күрсәтү һәм тәҗрибә туплау мөмкинлеге өчен рәхмәт белдерә.