Җилкәннәр җилдә, кеше тормышта сынала

Сәламәтлек торышы аркасында мөмкинлекләре чикле булган төрле яшьләрдәге райондашларыбыз өчен биредә күркәм чара оештырылды. Муниципаль район хакимияте башлыгының социаль мәсҗәләләр буенча урынбасары Светлана Фларис кызы Шакирова чарага җыелучыларны сәламләп, ихлас күңелдән бәйрәм белән котлады һәм барысын да һәрчак шундый актив, тормыш сөючән булып калырга чакырды. Тормыш сынауларына дучар булган якташларыбызның күңелен җыр-моңнар, дәртле биюләр белән күтәрделәр. Концерт программасыннан соң һәммәсе дә төрле спорт уеннарында, осталык дәресләрендә катнашып, сәләтләрен күрсәтте, күңел ачты. Аларда шулай ук районыбызның төрле оешма белгечләреннән консультацияләр алу мөмкинлеге булды.