Яшь гимнасткаларыбызның җиңүләре!

 Чакмагыш районы вәкилләре командасын  Балалар иҗат  үзәгенең тренеры Тәнзилә Филүс кызы Авзалова җитәкчелегендәге 12 талантлы гимнастка  тәкъдим итте.  Шунысын да ассызыклап үтәргә кирәк, безнең авылда нәфис гимнастика секцияләре 2025 елның октябреннән эшли башлады,  шуңа күрә балалар бу җитди чарага санаулы айларда гына әзерләнә алдылар. Әзерлекнең шулкадәр кыска вакытлы булуына карамастан, яшь спортчылар һәр яшь категориясендә диярлек югары нәтиҗәләр күрсәтә һәм призлы урыннар яулый алдылар!

         Кызлар  арасында Чакмагыштан ярышларда түбәндәгеләр җиңүче булды:

1. Александра Вәлиева (2020 елда туган) – 3 урын.
2. Аделина Сәйфуллина (2020 елда туган) – 3 урын.
3. Диана Шәйхуллина (2020 елда туган) – 3 урын.
4. Раида Фәтыйхова (2019 елда туган) – 3 урын.
5. Аделина Хәмидуллина (2019 елда туган) – 3 урын.
6. Эмилия Давыдова (2018 елда туган) – 2 урын.
7. Гөлчәчәк Назырова (2018 елда туган) – 3 урын.
8. Сабрина Авзалова (2017 елда туган) – 2 урын.
9. Ульяна Әнвәрова (2017 елда туган) – 3 урын.
10. Әмирә Галләмова (2016 елда туган) – 1 урын.
11. Авелина Авзалова (2013 елда туган) – 2 урын.
12. Лилия Галләмова (2013 елда туган) – 1 урын.

         Чакмагыш  гимнасткаларының лаеклы чыгышлары зур   горурлык уята, чөнки аларның һәр уңышы – тырышлык, киеренке хезмәт һәм талант нәтиҗәсе. Яшь йолдызларыбызны уңышлары белән котлыйбыз, әзерлекләре өчен тренерга һәм  әти-әниләренә  – балаларына ярдәмнәре һәм ышанычлары өчен рәхмәт белдерәбез. Гимнасткаларның чыгышларында сәнгать, матурлык һәм спорт чагылыш тапты, алда аларның зур киләчәге һәм яңа җиңүләре көтәчәгенә ышанычыбыз зур.  Һәр чыгыш алга барырга һәм яңа биеклекләргә ирешергә илһам бирсен!