Уңышлары – тырыш хезмәт нәтиҗәсе

         Чакмагыш беренче урта мәктәбе укучысы Әскар  Бикмөхәммәтов һәм   гимназиясе укучысы Арина Юнысова биология буенча Бөтенрусия укучылар олимпиадасының  призерлары  булдылар. Афәрин, укучылар!  Сезнең нәтиҗәләр – талантыгыз, тырышлыгыгыз һәм биология белән тирән мавыгуның ачык дәлиле ул. Сез үзегезнең белемегезне, аналитик сәләтегезне һәм җиңүгә омтылышыгызны күрсәттегез.

         Укучыларны әзерләүгә көч һәм белемнәрен салган укытучыларга, остазларга һәм педагогларга, Айгөл Риф кызы Хәмәдиева, Рәмилә Заһит кызы Әхмәтовага  рәхмәт. Сезнең һөнәри осталыгыгыз, сабырлыгыгыз һәм эшегезне яратуыгыз укучыларның потенциалын ачарга һәм аларны яңа казанышларга алып барырга ярдәм итә. Яшь талантлар үсешенә бәһаләп бетергесез өлеш кертүегез өчен рәхмәт. Призерларга ирешелгәннәрдә генә тукталып калмыйча, яңа белемнәргә омтылуларын телибез.