Буыннар арасындагы бәйләнешне һәм команда рухын күрсәтеп

    Анда катншучыларны муниципаль район хакимияте башлыгының социаль мәсьәләләр буенча урынбасары Светлана Фларис кызы Шакирова, урындагы ДОСААФ бүлекчәсе рәисе Ринат Раян улы Ризванов, ветераннар советы рәисе Идгар Габдрахман улы Еникеев сәламләп, ярышларга старт бирде һәм мәргән атуларын, гадел көрәш теләделәр.          Электрон коралдан ату буенча ярышларда ветераннар һәм яшь армиячеләр үзара көч  сынаштылар. Алар  буыннар арасындагы бәйләнешнең какшамас булуын исбатлап, чыдамлылык һәм команда рухы күрсәттеләр. Яшьләр өлкәннәргә тиңләште, ә ветераннар лаеклы алмашны горурланып күзәтте.          Кызу ярышлар нәтиҗәсендә иң көчлеләр генә җиңүгә иреште.  Җиңүчеләрнең барысы да Грамоталар һәм истәлекле бүләкләр белән дәртләндерелде.