Рөстәм Нәбиев Эверестка менәргә әзерләнә

Рөстәм сүзләренчә, ул озак вакыт тауга менүнең булачагын белмәгән, чөнки иганәчеләр булмаган. Күптән түгел экспедицияне Халыкара бокс ассоциациясе иганә итәчәге билгеле булган. - Алда бик зур эш тора, хщвефсезлек һәм нәтиҗәләргә бәйле йөзләгән детальләрне уйларга кирәк. Мин бик яхшы аңлыйм: биеклектә хаталар кичерелми. Теләсә нинди авыру сиңа каршы уйный ала. Мин йогынты ясый алмаган нәрсәләр дә бар: һава торышы, кар көртләре, тауларның объектив куркынычлары. Ләкин мин үз сәламәтлегемә йогынты ясарга тиеш. Мин аңа 100% ышанырга тиеш. Шуңа күрә хәзер төп фокус-тернәкләнү, дәвалану. Организмны алда көткән йөкләнешләргә әзерләргә”, – ди Рөстәм.  2020 елда Эльбруска күтәрелгән Рөстәм алты елдан соң үз карашын планетаның иң югары ноктасына юнәлдерер дип кем уйлаган. Хәзер блогер актив рәвештә тауга күтәрелергә әзерләнә - ул физик йөкләнеш өстәгән, медицина тикшерүе уза, шулай ук Эверест буенча күзәтүләр карый. Аның сүзләренчә, һәр менү алдыннан ул теге яки бу участокларны ничек үтәргә икәнен аңлау өчен тауны алдан өйрәнә.