Булачак солдатларга повесткалар тапшырылды

 Чара Идел буе федераль округының «Гвардеец» хәрби-патриотик җыеннарының төбәк этабы кысаларында узды. Ул булачак Ватанны саклаучыларны, Башкортстан аграр-технология колледжы  студентларын  һәм яшь армиячеләрне берләштерде. Тиздән солдат каешын буачак студентларны муниципаль район хакимияте башлыгының социаль мәсьәләләр буенча урынбасары Светлана Фларис кызы Шакирова, район хәрби комиссары Марсель Марс улы Рәфыйков,  ДОСААФ бүлекчәсе һәм хәрби-патриотик клуб җитәкчеләре сәламләде. Булачак солдатларга повесткалар тапшырылды. Программаны пневматик винтовкадан ату буенча  ярышлар дәвам итте, анда катнашучылар яхшы физик әзерлек күрсәтте. Беренче урынны Чакмагыш беренче урта мәктәбе вәкилләре  алды, икенче урынга Чакмагыш гимназиясе коллективы чыкты, өченче урынны БАТК студентлары командасы  яулады.