Өмәдә актив катнаштылар

2024 елда Юмаш авылында киң колачлы яшелләндерү акциясе узды: сукмак һәм елга аша ике урамны тоташтыручы яңа күпер буйлап яшь миләш һәм юкә агачлары утыртылган иде. Бу яшел зона «Укытучылар аллеясы»дигән символик исем алды. Акция педагогларга хезмәтләре һәм үсеп килүче буынны тәрбияләүгә керткән өлешләре өчен рәхмәт билгесе булды. Катнашучылар әйтүенчә, бу аллея авыл пейзажын бизәп кенә калмыйча, педагогларның хезмәтенә хөрмәт күрсәтүнең мөһимлеген искә төшереп, ял итү урыны да булачак. Бүген аллея территориясен чистартып торалар. Өмәдә катнашучыларга туган авыл чисталыгына керткән өлешләре өчен рәхмәт.