Бакча җиләге татлы, эре, матур булсын өчен

Җиләкнең размеры, тыгызлыгы һәм татлылыгы өчен беренче чиратта калий җавап бирә, ә азот та, су да түгел.
Җиләк-җимеш тигез матур булсын өчен, борны бераз иртәрәк, бөреләргә сибәләр.
Вак җиләк еш кына калий һәм фосфор җитмәү һәм артык күп зәгыйфь куаклар нәтиҗәсе: үсемлекнең бөтен җимшәннәрен үстерерлек көче юк, һәм ул ваклана. Сулы һәм төче җиләк ул, кагыйдә буларак, азот белән артык тукландыру һәм артык су сибү: куак яшеллеккә китә, җимешләрендә шикәр тупланмый. Балсыз әче җиләк еш кына шул ук калий җитмәве, ә тагын кояш һәм җылылык җитмәве турында сөйли, чөнки шикәр нәкъ менә яктылыкта җыела. Һәм аерым бәла - кәкре, җитлекмәгән җиләкләр-гарипләр, аларның сәбәбе гадәттә начар серкәләнүдә һәм әле чәчәк ату стадиясендә үк бор җитмәүдә.
Калий-эре һәм татлы җиләк өчен төп элемент.
Ул җимешнең массасы өчен җавап бирә, шикәр тупларга булыша, җиләкне тыгыз итә, мондый җиләк агып тормый һәм озаграк саклана. Нәкъ менә шуңа күрә җәй башында калий белән тукландыру беренче планга чыга.
1 вариант.
Калий монофосфаты.
Тамырдан тукландыру өчен доза: 10 литр суга 10-15 грамм, һәр куак астына, үсемлекнең зурлыгына һәм туфракның дымлылыгына карап, якынча 0,3–0,5 литр сибәләр.
2 вариант.
Әгәр минераль ашламалар кулланырга теләмәсәң, калийның иң яхшы чыганагы-агач көле. Ул калий, кальций һәм микроэлементларга бай.
Куак астына 1-2 аш кашыгы көлне дымлы җиргә сибәләр һәм җиңелчә генә туфрак белән күмдерәләр.
Көл төнәтмәсе дә ясарга була: 10 литр суга бер стакан көл, вакыт-вакыт болгатып, 1 тәүлек торырга һәм дымлы җиргә, куак астына якынча 0,5 литр су сибәргә. Тик шуны истә тотыгыз: яндырылган чүп-чардан, пластиктан, буялган агачтан яисә басма кәгазьдән башка бары тик агач көле генә яраклы,
Нинди генә ысул куллансагыз да, берничә гомуми кагыйдәне үтәгез, югыйсә өстәмә тукландыру эшләмәячәк. Аны дымлы җиргә генә кертегез, әгәр түтәл коры булса, башта су сибегез, югыйсә концентрат тамырларны яндырыр. Розетканың уртасына түгел, ә куак тирәли җиргә салыгыз.
Нәтиҗә гади. Эре һәм татлы җиләк алу өчен, җиләкләр тулышкан вакытта калийга ставка ясыйлар, Бор белән мәсьәләне алдан ук хәл итәләр, азот һәм су сибү белән артык мавыкмыйлвр һәм куакларга җитәрлек яктылык төшкәнен тәемин итәләр.
Чыганак: https://vk.com/avulselo