Чара барышында балалар авыл тирәсендә үскән дару үсемлекләре белән таныштылар, аларның шифалы үзлекләре һәм хәвефсез куллану кагыйдәләре турында белделәр. Халык медицинасында элек-электән кулланылган үсемлекләр – чабыр, ромашка, бөтнек, меңъяфрак һәм башкалар белән танышуга аерым игътибар бирелде. Экскурсия табигать дөньясына чын сәяхәткә әверелде һәм анда катнашучыларда экологик аң, күзәтүчәнлек һәм әйләнә-тирә дөньяны өйрәнүгә кызыксыну формалаштырырга ярдәм итте. Мондый формат ярдәмендә “Урман даруханәсе” елдан-ел яшүсмерләр тормышында иң яраткан һәм көтелгән вакыйгаларның берсе булып кала.
