Юлда сак булырга өндәп      

Китапханәче балаларга юл хәрәкәте кагыйдәләре һәм юл билгеләре, ни өчен кагыйдәләрне  мотлак  белергә һәм үтәргә кирәклеге турында сөйләде. Балалар светофорның кызыл, сары, яшел төсләрен кабатладылар, җәяүлеләр кичүенең, зебраның нәрсә икәнен һәм юлда үзеңне ничек тотарга кирәклеген искә төшерделәр, тематик табышмакларга мавыгып җаваплар бирделәр. Ә "Юл хәрәкәте кагыйдәләре” дип аталган мавыктыргыч викторина аларның юл хәрәкәте кагыйдәләре турындагы белемнәрен тагын бер кабат ныгытылган дөрес җаваплары белән сөендерде. Чара ахырында һәммәсе дә тормышыңны хәвеф  астына куймаска, юл йөрү кагыйдәләрен төгәл үтәргә, юлда сак булырга кирәк, дигән нәтиҗәгә килделәр.