Мәчеттә исем кушу йоласы үткәрелде

 
       Чын динле кешеләр үз балаларында тормышларының беренче минутларыннан ук яхшы холык тәрбияләргә омтылалар. Монда үзенчәлекле «башлангыч нокта» булып исем кушу йоласы (яки татарларда һәм башка төрки халыкларда  «исем кушу») хезмәт итә. Шулай итеп, гаиләнең яңа әгъзасын берничә ай көтү һәм әзерләнү артта кала – озак көтелгән сабый әнисе белән өенә кайта. Малайга (яки кызга) исемне әти-әнисе сайлаган инде. Эш кечкенәдән калды – Ислам кануннары нигезендә аларга исем кушу процедурасын үткәрү.
         Шушы көннәрдә «Манара» мәчетендә исем кушу йоласы үткәрелде. Илдар һәм Алинә Сөләймановлар гаиләсендә гаиләнең яңа әгъзасы туган. Кечкенә Әмиргә ныклы сәламәтлек, бәхет һәм иминлек телибез. Исегезгә төшерәбез, «Манара» мәчетендә   Митрә-Әюп авылы,  Елга (Речная) урамы, 90/1 йорт адресы буенча һәр чәршәмбе көнне 10:00 сәгатьтә мөселман хатын-кызлары берлеге вәкиле гарәп әлифбасына, намаз укуга өйрәтә. Һәр җомга көнне 13:30 да даими рәвештә лекция һәм уртак җомга намазы үткәрелә. Мәчетнең ишекләре  һәркем өчен ачык!