Сайлауларның икенче көне башланды

Чакмагыш районындагы барлык 43 участокта да Русия Федерациясе һәм Башкортстан гимннары яңгыраганнан соң участок комиссияләре үз эшләрен башлады. Әйткәндәй, республиканың Үзәк сайлау комиссиясе мәгълүматлары буенча, сайлауларның беренче көнендә – 18 сентябрьдә Башкортстанда барлык теркәлгән сайлаучыларның 31,89 проценты тавыш биреп өлгергән. Республика Үзәк сайлау комиссиясе рәисе Марат Гадилов билгеләвенчә, төбәктә сайлаучыларның традицион югары активлыгы күзәтелә. Исегезгә төшерәбез: 18 сентябрьдән 20нә кадәр Башкортстанда Русия Федерациясе Федераль Җыелышы Дәүләт Думасының тугызынчы чакырылышына депутатлар сайлау бара.