“Ел укытучысы – 2024” конкурсы старт алды

“Ел укытучысы” – белем һәм тәҗрибә уртаклашырга мөмкинлек бирүче һөнәри осталык конкурсы. Быел “Ел укытучысы” исеменә районыбызның тугыз педагогы сынау тота. Укытучылар конкурсның дистанцион этабында белем һәм тәҗрибә дәрәҗәсен чагылдырган презентацияләр тәкъдим итте. Киләчәктә әле аларны төрле сынаулар көтә: “Ачык дәрес”, “Тәрбия бирү чарасы”, “Пресс конференция”.
8-9 февраль көннәрендә конкурсның “Укытучы – үз эшенең остасы” дип аталган этабы үтте. Аның кысаларында, укытучылар ачык дәресләр күрсәтте.