Уку елына олы әзерлек белән аяк басабыз

Иртәгә, 28 август көнне, район мәдәният йортында укытучыларның традицион август киңәшмәсе узачак. Бүген әлеге чарага зур әзерлек бара. Конференция алдыннан төрле предмет укытучылары секция утырышларында узган уку елына анализ ясап, уңышларны барлады, алдагы елга планнар билгеләде. Бүген районыбызның мәктәп директорлары Чакмагыш беренче урта мәктәбенә нәкъ тә яңа уку елы яңалыклары белән танышырга җыелды. “Пленар утырышта барлык мәсьәләләрне дә төбенә төшеп ачыклап бетереп булмый. Шуңа күрә мәктәп директорларын яңа үзгәрешләр, яңа норматив хокукый документлар белән таныштырдык”, – ди район мәгариф бүлеге начальнигы Илдус Шәйдуллин.