Мәктәп юллары

Бүген 1 сентябрь – Белем бәйрәме. Илебезнең төрле почмакларында бу зур hәм мәртәбәле бәйрәмгә багышланган тантаналар, мавыктыргыч чаралар оештырыла. Һәр өйдә дулкынландыргыч ыгы-зыгы. Кемнеңдер кызы яки улы беренче мәртәбә мәктәпкә җыена. Инде күп мәртәбәләр киеп каралган, һич тә саласы килмәгән зәвыклы мәктәп формасын бүген озак итеп кияргә була... Матур портфельне туйганчы кутәреп йөрергә мөмкин булачак… Беренче укытучыга дип әзерләнгән затлы чәчәк гөлләмәсе дә вазада түземсезләнеп үз чиратын көтә… Укытучылар да, җәйге озын яллар вакытында сагынып өлгергән укучылары белән очрашу шатлыгын кичерә. Куңелле мәшәкатьләр!