Чын укытучы һәм остаз ул

7 октябрьдә башкалабыз Уфада «Иң яхшы остаз» республика конкурсы нәтиҗәләре буенча эшчәнлекнең төрле өлкәләрендәге иң яхшы остазларны бүләкләү булды.
Шунысы куанычлы, иң яхшылар арасында – Чакмагыш гимназиянең рус теле һәм әдәбияты укытучысы Эльвера Илфар кызы Кәбирова да бар.
Ул "Гомуми белем бирү өлкәсендә иң яхшы остаз» номинациясендә мактаулы икенче урынга лаек булды.
Эльвера Илфар кызын лаеклы бүләге белән котлыйбыз һәм киләчәктә дә иҗади уңышлар телибез!
Әлеге конкурс остазлык практикасын үстерү һәм социаль статусын күтәрү максатларында БР Хөкүмәте, БР профсоюзлар Федерациясе, БР Эш бирүчеләр берләшмәсе ярдәмендә үткәрелә һәм социаль партнерлык чараларының еллык исемлегенә кертелгән.