Иске Калмаш горурлыгы             

Алар арасында алтын медаль иясе Ильяс Йосыпов исеме аерым урын алып тора. Аның уку елларында үзен барлык фәннәр буенча отличник буларак кына түгел, ә чын тикшеренүче буларак та күрсәтүе  горурлану уята. Аның төп мавыгуы – химия. Катлаулы формулалары, тирән теоретик белемнәре һәм практик күнекмәләре аңа БДИны 84 баллга тапшырырга мөмкинлек бирде. Ләкин аның уңышы бер фән белән генә чикләнми. Профильле математика, рус теле һәм биология буенча да аның чын отличник нәтиҗәләре лаеклы. Өч төп фән (химия, биология һәм математика) буенча безнең БДИ герое 234 балл җыйды.            Химия буенча 84 баллы нәтиҗә һәм башка дисциплиналар буенча ышанычлы күрсәткечләр – фәннәрне тирән аңлау һәм колоссаль хезмәт күрсәткече. Аның туган Иске Калмаш мәктәбендә алган фундаменталь белемнәре  районыбызның иң яхшы мәктәпләреннән бер дә калышмавын исбатлый.  Алтын медаль һәм имтиханнарның искиткеч нәтиҗәләре –үҗәтлек, дисциплина һәм фәнгә ихлас мәхәббәт нәтиҗәсе. Ул мөмкин булмаган бернәрсә дә юклыгын исбатлады. Укуда тырыш егеткә илебезнең иң яхшы югары уку йортына укырга керүен, үз һөнәрен табуын һәм ирешелгәннәреңдә беркайчан да тукталып калмавын телибез. Туган мәктәбең синең белән горурлана һәм сине киләчәк буын укучыларына үрнәк итеп куя.