Үзешчән артистлар талантлары белән сокландырды

Бөек Ватан сугышы тәмамлануның 80 еллыгына багышланып, “Онытылмас еллар сулышы” исеме белән үтүче быелгы үзешчән сәнгать фестивале чикләрендә концерт программасына тәкъдим ителгән 26 чыгышның һәркайсы мактауга лаек булып, көчле алкышларга күмелде. Чакмагыш үзешчәннәре районның төп сәхнәсендә үз осталыкларын күрсәтте, һәм шуның белән бергә район мәдәнияте үсешен тагын бер баскычка күтәрде.
Чара ахырында Чакмагыш авыл биләмәсе башлыгы Марсель Хәдит улы Хәсәнов аны оештыручыларга һәм катнашучыларга сәләтләре һәм югары дәрәҗәдә чыгыш ясаганнары өчен рәхмәт белдереп, киләчәктә дә иҗади уңышлар юлдаш булуын теләде.