Уртак Җиңү, уртак хәтер...

“Минем Җиңүем” – Валерий Яременконың моноспектакле шулай дип аталган. Бөек Ватан сугышында халкыбызның җиңүе мәңгегә безнең һәрберебезнең канында саклана. Илебездә сугыш кагылмаган бер генә гаилә дә юктыр. Һәркемнең ата-бабалары яу кырларында сугышкан, һәлак булган һәм үз гомерләре бәрабәренә һәммәбез өчен дә кадерле Җиңүне якынайткан... Бүгенге вакыйгалар да һәркемгә кагыла. Һәм, шул вакыттагы кебек үк, без барыбыз да Җиңүне якынайтырга тиешбез.…
Моноспектаклендә Валерий Яременко үз гаиләсенең шәхси истәлекләре белән уртаклашты, тирәнтен итеп хәрби җырларны башкарды һәм көн кадагында торган үткен шигырьләр укып ишеттерде. Актер тамашачыларга үзенең һәм безнең уртак җиңүебезне шундый авыр, ләкин бик мөһим яктан күрсәтте һәм бу залда утыручы беркемне дә битараф калдырмагандыр, дип уйлыйм.
Артистның сугыш чоры турындагы намуслы, тирән, эмоциональ истәлекләре, илһамлы чыгышы яшьләрне патриотик рухта тәрбияләүгә зур өлеш кертте. Мондый мәдәни чаралар Җиңүнең 80 еллыгында һәм Президентыбыз тарафыннан Ватанны саклаучылар елы дип игълан ителгән елда аеруча кыйммәткә ия була һәм укучыларда илебез тарихына һәм Бөек Ватан сугышы елларында совет халкының батырлыгына тирән хөрмәт уята, ватанпәрвәрлек һәм һәлак булган геройлар истәлегенә хөрмәт хисләре тәрбияли.
“Бөек бәйрәм алдыннан бу балалар өчен инде әкият дәрәҗәсендә булган мин нәкъ менә сугыш балалары буыны вәкиле. Шуңа күрә минем «Минем Җиңүем» дип аталган программам нигезендә тирән балачактан килгән тойгылар белән бәйле автор тарихы ята. Минем әнием, картәнием, картәтием – барысы да сугыш елларында оккупацияләнгән Севастопольдә яшәгән кешеләр. Шуңа күрә мин бүген яңгыраган шигырьләрне сайлауга бик җитди карыйм. Миңа калса, мин моны ниндидер дәрәҗәдә эшләргә, яшьләргә алар турында белергә түгел, ә тоярга кирәк булган ниндидер әйберләр барлыгын җиткерергә тиеш. Мин актер, шуңа күрә сугыш турында лекция укырга дип түгел, ә ниндидер хис, ниндидер кичерешләр тапшырырга килдем. Әгәр мин бүген җыелганнарның берәрсенең булса да күңеленә кагыла алсам, бу хис-тойгыларны җиткерә алсам – димәк, минем миссиям үтәлде. Бәлки кемдер соңыннан китап киштәсенә тартылыр, чөнки мин монда авторларны да атадым, шуңа күрә мин моңа җитди карыйм. «Пушкин картасының булуы нинди бәхет, чөнки аның ярдәмендә мин Мәскәүдән очып килеп, бер дә белмәгән безнең башкаладан аерылган һәм авыл җирендә яки кайсыдыр кечкенә шәһәрдә яшәгән балалар белән очрашып, аларга программаның асылын җиткерә алу мөмкинлегенә иямен. Шуңа күрә бу кушылу ниндидер бөртекнең шытып чыгачагына һәм ниндидер яхшы якка күчәчәгенә ышанырга мөмкинлек бирә”, – диде Русиянең атказанган артисты, Моссовет исемендәге театр актеры Валерий Васильевич Яременко.