Нәфислек дөньясына мәхәббәт

 

25 апрель көнне районыбыз китапханәләрендә ел саен үткәрелә торган «Библиотөн» Бөтенрусия акциясе узды. Быелгы тема – Ватанны саклаучылар елына һәм Бөек Җиңүнең 80 еллыгына багышланган иде. Чара «Русиядә үз героен хәтерләмәгән гаилә юк» девизы астында узды. Бөтенрусия акциясе үз-үзен кызганмыйча, Ватаныбызны саклаучыларга, батырлыгы һәм хезмәте белән илебез тарихына үз исемнәрен язып калдыручыларга багышланды.

Әлеге акция чикләрендә  иң тәүдә Чакмагыш Балалар модельле китапханәсендә дә яшь   китап сөючеләр    җыелды. Алар өчен  «Русиядә үз героен хәтерләмәгән гаилә юк» дип аталган тарихи сәяхәт оештырылды. Чарада катнашучылар  Бөек Ватан сугышы турындагы әдәбиятның иң яхшы үрнәкләре, язучылар һәм фронтовик шагыйрьләр, шулай ук якташлар, Бөек Ватан сугышы  һәм хәзерге заман геройлары турында белделәр. Шулай ук аларга олылар белән беррәттән Бөек Җиңүне якынайткан яшьтәшләре турында да мәгълумат җиткерелде. Балалар батырлык һәм кыюлык мохитенә җәлеп ителеп, төрле буын шагыйрьләренең Ватанга мәхәббәт, сугыш батырлыклары һәм геройлары турында шигырьләрен сөйләделәр. «Военных лет звучат напевы» музыкаль минуты кунакларга сугыш тарихына кергән һәм совет солдатларының ныклыгын кире какмаслык дәлил булган фронт җырларын иҗат итү турында искә төшерде. «Ветеранга открытка» бәйрәм открыткасы ясау буенча осталык дәресе барышында  Балалар иҗат  үзәгенең өстәмә белем бирү педагоглары Альбина Рәдиф кызы Гыйльметдинова,  Гөлнара Әмир кызы Фатыйхова яшь китап сөючеләр белән бергәләп үзләренең иҗат эшләрендә күңел һәм йөрәк кисәген калдырдылар. “Исегезгә төшерегез, балалар...”  дигән  җырлаучы гитара кичне тагын да җанландырып җибәрде, аның барышында талантлы балалар башкаруында җырлар яңгырады. 

Балалар модельле китапханәсендә «Библиотөн-2025» Бөтенруссия акциясе чикләрендәге оештырылган  чара тәмамлануга мондый эчтәлекле кичә район үзәк китапханәсендә  дә зур оешканлык белән узды. Мәдәни программа «Буыннарда Җиңү яши» әдәби-музыкаль композициясе белән ачылды. Аның барышында бөек яулар, герой-шәһәрләр һәм якташлар, Бөек Ватан сугышында  һәм махсус хәрби операциядә катнашучылар турында әңгәмә үткәрелде. Чарада катнашучылар якын туганнары, сугышта катнашучылар турында истәлекләре белән уртаклаштылар. Чара барышында әлеге тема буенча электрон презентация, «И память нам покоя не дает...» электрон ресурсы, «Поклон тебе, Великая Победа!» иллюстартив-китап   күргәзмәсе тәкъдим ителде.

Программаның икенче өлеше уен рәвешендә узды. «Сугыш юллары аша үтик» дигән әдәби-тарихи квест барышында командалар Ватан тарихы буенча үз белемнәрен күрсәттеләр, зирәклекләрен һәм эрудицияләрен күрсәттеләр. Егетләр һәм кызлар  өчен «Ялан почтасы» оештырылды, анда теләүчеләр солдатларга хат яздылар һәм тизрәк җиңү белән туган якларына кайтуларын теләделәр. Чара дәвамында сугыш еллары җырлары һәм фронтовик шагыйрьләрнең шигырьләре яңгырады. Акция азагында теләгән һәркем өчен махсус әзерләнгән фотозонада истәлеккә фотосурәткә төште.

Һәръелдагыча, районыбызның барлык авылларындагы китапханәләрдә “Библиотөн” акциясе зурлап  үткәрелде. Ул кызыклы һәм фәһемле оештырылып, һәммәсендә дә җылы һәм уңайлы китап дөньясы мохите,   онытылмаслык тәэссоратлар һәм хис-кичерешләр калдырды.