Күләмле Бөтенрусия проектында катнашып

Төбәк Башлыгы Радий Фәрит улы Хәбиров Җиңү паркында узган митингтан соң Җиңү көненә багышланган күргәзмә белән танышып чыкты. Экспозиция белән танышучылар өчен Бөек Ватан сугышының төп сугышларының диорамаларын, макетларын һәм реконструкцияләрен карап чыгу мөмкинлеге бирелде. Балалар иҗат үзәге директоры Рәзилә Хәтмулла кызы Камалова Зөһрә Гаскәрованың «Идел артында безнең өчен җир юк» эше Бөек Җиңүнең 80 еллыгына багышланган республика конкурсында җиңүче булуын билгеләде. Радий Хәбиров шулай ук мәктәп музейларының күчмә экспозицияләрен дә карады.
Бөек Җиңүнең 80 еллыгы һәм «Җиңү утын саклыйбыз» Бөтенрусия проекты уңаеннан Гаилә ялы паркы сәхнәсендә Чакмагыш Балалар сәнгать мәктәбендә тәрбияләнүчеләр матур бәйрәм концерты күрсәттеләр. «Тынычлык» җырын башкаручы хор чыгышлары тамашачылар күңеленә хуш килде. Хореография бүлеге "Солдат биюе", "Май вальсы", "Торналар" биюләре белән сөендерде, Эллария Мөхәммәдиеваның ("Син Русиям минем") һәм Артем Хәбировның ("Ике бөркет") вокаль номерлары да һәммәсенең дә күңел түренә үтеп керде. Баянчылар ансамбле «Катюша»ны, Камил Рәхимов сугыш җырларына попурри уйнады. Концерт җылы мохиттә узды.
Башкортстан Республикасы Башлыгы Радий Хәбировка киез солдат курчагын тапшыру аеруча күңелле мөһим вакыйга булды. Курчакның авторы –Карина Гыйсмәтуллина махсус хәрби операциядә катнашучының кызы. Бу вакыйга халкыбызның батырлыгына ихтирамның якты чагылышы һәм ветераннарга тирән рәхмәт белдерү булды. Республика Башлыгы тамашачылар белән яшь талантларның концерт номерларын карап сокланды һәм район ветераннар Советы рәисе Идгар Габдрахман улы Ениикеевның күчмә ретроавтомобильләр күргәзмәсе белән танышты. Биредә легендар ГАЗ-М-20 «Җиңү», ГАЗ-67, ГАЗ-69, ГАЗ-21 «Волга», «Москвич-401» һәм башка модельләр тәкъдим ителгән иде.